An ceto 'yan makaranta shida da aka sace a Lagos

Birnin Legas Hakkin mallakar hoto Peeter Viisimaa
Image caption Satar mutane domin karbar kudin fansa ta zama ruwan dare a Najeriya

Hukumomi a birnin Lagos da ke kudancin Najeriya sun ce sun ceto 'yan makarantar da aka sace a birnin.

A watan Mayu ne dai wasu 'yan bindiga suka sace 'yan makaranta guda shida.

'Yan bindigan sun kai hari ne a makarantar Igbonla Model School, inda suka tafi da dalibai guda 10.

Amma rahotanni sun ce sun saki hudu daga cikinsu, bayan da suka binciki asalin iyayensu.

'Yan sanda sun ce 'yan bindigar sun samu shiga makarantar ta cikin wani daji da ke gefen makarantar ne, inda suka yanka wayar da ta zagaye makarantar kana suka shiga ciki.

Kudin da EFCC ta kama a Lagos sun haura N400m

Lagos: Hukuncin kisa kan masu satar mutane

An kama wasu da shigar da bindigogi Nigeria

Sace yaran dai ya sa mazauna birnin sun rika sukar gwamnatin jihar ta Lagos.

Sai dai gwamnatin ta sha ba iyayen yaran tabbacin cewa za ta ceto su.

An taba sace dalibai shida a watan Oktoban da ya gabata a wannan makaranta.

Satar mutane domin karbar kudin fansa ta zama ruwan dare a Najeriya.

Labarai masu alaka