'An yaudari manyan jami’an Donald Trump'

Babban mai bada shawara ga fadar White House, Jared Kushner da matarsa Ivanka Trump Hakkin mallakar hoto Reuters
Image caption Prankster na yaudarar mutane da cewa shi ne Jared Kushner, mai ba da shawara ga fadar White House, kuma surukin shugaba Trump wato mijin 'yarsa Ivanka

Masu kutse a na'urar Kwamfuta sun yaudari jami'an fadar White House, inda suka yi ta musayar sakwannin email na bogi ba tare da saninsu ba.

Wani sakon email da aka taba aikewa mai bai wa shugaba Trump shawara kan harkokin tsaro na zamani, an yaudare shi ne da sunan surukin shugaban Amurkar Jared Kushner kamar yadda gidan talabijin na CNN ya bayyana.

Shi ma sabon daraktan yada labarai na fadar White House Anthony Scaramucci, an yaudare shi da sunan tsohon shugaban ma'aikatan fadar Reince Priebus.

Ana ci gaba da nuna damuwa kan yadda masu satar bayanai ke ci gaba da kutse da samun sakwannin email din mutane, a daidai lokacin da ake zargin Rasha ta yi kutse a zaben Amurka da ya gabata.

Sai dai fadar White House ta shaidawa CNN ana gudanar da bincike kan kutse na baya-bayan nan da aka bayyana ta kuma dauki batun da muhimmanci.

Sai dai Prankster ya wallafa wani sako a shafinsa na Twitter inda ya kira kansa da wanda bai yadda da shugabanci ba, tare da yin alkawarin ba zai kara yadawa fadar White House magana ba ko yin shagube.

To amma ya yi gargadin cewa ya kamata a zage damtse don karawa hukumar fasahar sadarwa ta zamani matakan tsaro da cikakkiyar kariya.

Hakkin mallakar hoto Twitter
Image caption Masu kutse a kwamfuta sun yada wani sakwannin email a shafin Twitter, da ya tura a matsayin tsohon shugaban ma'aikatan fadar White House da aka sallama daga bakin aiki Reince Priebus

Labarai masu alaka