Ƙin jinin Musulmai ya ƙaru a duniya

Wasu alkaluma da BBC ta gani sun nuna cewa an samu karuwar sakonnin Twitter na ƙin jinin Musulmai da ake aikawa da harshen Ingilishi a duniya.

Haka kuma akasarin sakonnin sun fito ne daga Burtaniya.

Masu sharhi na kungiyar masana a Burtaniya sun gano cewa, an aika da sakonnin tozartarwa da ƙiyayya a kan musulmai kusan 7,000 a kullum, a cikin watan Yulin da ya gabata.

Alkaluman sun kai kololuwa idan aka hada da irin wadannan sakonnin 2,500 da aka aika a watan Afrilun da ya wuce.

Yayin da a ranar 15 ga watan Yuni aka aika sakonnin Twitter 21,190, bayan kai hari da babbar mota a kasar Faransa lamarin da ya yi sanadiyyar mutuwar fiye da mutane 80.

Kungiyar da ke da'awar kafa daular Musulunci ta IS ce ta dauki alhakin kai hari na birnin Nice.

Labarai masu alaka