Harkar Noma a Najeriya

Image caption Gonar shinkafa

Najeriya ita ce kasa ta 20 a duniya kuma ta 1 a nahiyar Afirka wajen noma da samar da abinci.

Sai dai kuma a yanzu haka kasar bata iya ciyar da al'ummarta sama da miliyan 140, sai ta hada da shigo da abinci daga kasashen ketare.

Yin watsi da noma da gwamnatocin baya suka yi na shekara da shekaru shi ne ummul'aba'isin koma bayan da aka samu ta fuskar noma a kasar.

Ko da yake duk da haka har yanzu Najeriya na samun kashi 26.8% na arzikinta daga wannan fani.

Yanzu haka Najeriya bata fitar da Koko, Gyada, Roba da Manja kamar yadda take kafin shekarun 1970.

Wannan kuwa a cewar masana tattalin arzuki ya farune saboda da rashin kulawar da gwamnatoci musamman na soji suka yiwa harkar noma.