An sabunta: 11 ga Maris, 2011 - An wallafa a 10:12 GMT

Takaitaccen Tarihin Seini Oumarou

Seini Oumarou

Seini Oumarou ya yi alkawarin ci gaba da manufofin tsohon shugaba Tandja

An haifi Malam Seini Oumarou a shekarar 1950 a garin Tillaberi daga kabilar Djerma.

Ya rike mukamin minista na kusan shekaru goma a gwamnatin Tandja, kafin daga bisani a nada shi Fira Minista a 2007.

Dan shekaru 60, ya gabatar da kansa a matsayin shugaban bangaren siyasar Tadja.

Shi ne shugaban jam'iyyar National Movement for the Development of Society, kuma ya zo na biyu a zagayen farko na zaben shugaban kasar da aka gudanar.

Masu lura da al'amura na ganin Oumarou ya samu goyon bayan jama'ar karkara wadanda tsohon shugaban Tandja ke da farin jini a cikinsu.

Ya fito kiri-kiri ya nemi a saki tsohon shugaban wanda ya ce fursunan siyasa ne.

A lokacin yakin neman zabensa, ya yi alkawarin ci gaba da ayyuka tare da manufofin shuagaba Tandja.

Sai dai ya dandana kudar zamansa a gwamnati. A tsakiyar bara an kama shi na dan wani lokaci kan zargin almubazzaranci da kudaden gwamnati, a wani yunkuri na gyara al'amura da gwamnatin soji ta kaddamar.

BBC navigation

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.