An sabunta: 20 ga Maris, 2011 - An wallafa a 07:10 GMT

Zaben shugaban kasar Haiti

Jean Betrand Aristide

Idan an jima a yau ne jama'ar kasar Haiti zasu fara kada kuri'a domin su zabi tsakanin wani shahararen mawakin kasar da kuma matar tsohon shugaban kasar a matsayin shugaban kasarsu.


Sakamakon zaben farkon da aka gudanar a watan Disembar bara ya janyo barkewar tarzoma da aka shafe kwanaki ana yi a kasar, kuma ya sa dantakarar shugaban kasar, me samun goyon bayan gwamnatin kasar shan kaye bayan da jami'an dake sa ido kan zabe suka cire shi bisa zargin magudin zabe.

Yan takarar su biyu da suka tsalake zaben shugaban kasar zagaye na farko mutane ne da suka taba rike mukamai masu muhimanci a kasar.


Sai dai ana ganin tsohon shugaban kasar Haiti, Jean Betrand Aristide zai taka muhimiyar rawa a cikin wanan zabe duk da cewa shi kansa ba zai tsaya takarar shugabancin kasar ba.

Duk wani dantakarar da Mr Aristide ya amince da shi zai shafi tasirin da zai yi a wanan zabe amma idan har ya fadawa magoya bayan sa cewa kada su kada kuriar su a'kan wadanan mutane, hakan zai kara janyo damuwa kan ingancin zaben.

BBC navigation

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.