BBC navigation

PDP ta lashe zaben gwamnan jihar Kogi

An sabunta: 4 ga Disamba, 2011 - An wallafa a 15:41 GMT
Zabe a Nijeriya

Zabe a Nijeriya

Hukumar zabe a jihar Kogi ta Nijeriya, ta bayyana sunan Kyaftin Idris Wada, dan takarar jam'iyyar PDP mai mulkin jihar, a matsayin wanda ya lashe zaben gwamnan jihar.

Sakamakon na nuna cewa ya samu nasara a kananan hukumomi goma sha takwas daga cikin ashirin da daya na jihar.

Takarar dai ta fi zafi ne tsakaninsa da Prince Abubakar Audu na jam'iyyar adawa ta ACN, wanda ya nuna rashin gamsuwa da sakamakon, ya kuma ce zai dauki dukkan matakan da suka dace na kalubalantarsa.

Jihar Kogi na daga cikin jihohi biyar a Nijeriya da aka jinkirta gudanar da zabensu a bara, lokacin da aka yi zaben kasa baki daya, sakamakon wani hukuncin kotu da ya ce gwamnonin jihohin ba su kammala wa'adin mulkin ba.

An dai tsaurara matakan tsaro, tun gabanin zaben, kuma rahotanni daga jihar ta Kogi na cewa komai na tafiya daidai, babu wasu alamun tayar da hankali, bayan bayyana sakamakon zaben.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.