BBC navigation

Mutanen da sukai fama da cutar Kwalara a Haiti na bukatar diyya

An sabunta: 10 ga Disamba, 2011 - An wallafa a 07:22 GMT
Cutar Kwalara a Haiti

Ana bukatar diyya ga wadanda sukai fama da Kwalara a Haiti

Dubun-dubatar jama'a ne suka gudanar da zanga-zanga a Kasar Haiti, suna bukatar majalisar dinkin duniya ta biya kudade a matsayin diyya ga mutanen da cutar kwalara ta shafa.

Masu zanga-zangar a garin St. Marc sun ce, sojojin kiyaye zaman lafiya na majalisar dinkin duniya ne suka shigar da cutar zuwa Haiti, abinda ya haifar da annobar da ta kashe kusan mutane dubu bakwai.

Masu zanga-zangar na son majalisar dinkin duniya ta biya dala dubu dari a matsayin diyya ga duk mutum daya da ya rasa ransa.

Majalisar dinkin duniya ta ce akwai yiwuwar sojojin kasar Nepal ne suka yi sanadiyyar barkewar cutar, sai dai ta ce babu wani binciken kimiyya da ya tabbatar da hakan.

Kari a kan wannan labari

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.