BBC navigation

An samu Jacques Chirac da laifin cin hanci

An sabunta: 15 ga Disamba, 2011 - An wallafa a 15:27 GMT
Mr Jacques Chirac, Tsohon Shugaban Faransa

Mr Jacques Chirac, Tsohon Shugaban Faransa

An samu tsohon shugaban kasar Faransa, Jacques Chirac da laifin cin hanci da rashawa, bayan wata shari'a da aka dade ana yi.

An samu tsohon shugaban ne da laifin yin almubazzaranci da kuma cin amana, bayan da ya kirkiro wasu guraben aiki na bogi ga wasu yan jam'iyyarsa a lokacin da ya ke rike da mukamin magajin garin birnin Paris.

Wakilin BBC ya ce Mr Chirac bai halarci zaman kotun ba, domin yana fama da mummunan ciwon mantuwa, to amma diyarsa na cikin kotun, inda ta saurari hukuncin da alkali ya yanke.

Wannan kuma hukunci ne da ya kara jaddada 'yancin bangaren shari'a na kasar.

An dai yankewa Mr Chirac, hukuncin daurin jeka ka gyara halinka ne na tsawon shekaru biyu.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.