'Yan Taliban za su bude Ofis a Qatar

Shugaba Hamid Karzai Hakkin mallakar hoto AFP
Image caption Shugaba Hamid Karzai

Shugaban Afghanistan Hamid Karzai ya ce zai kyale 'yan kungiyar Taliban su bude ofis a kasar Qatar,a wani yunkuri na taimakawa shirin wanzar da zaman lafiya.

Wannan dai shi ne karon farko da shugaba Karzai ya nuna goyon bayansa a bainar jamaa ga wannan batu.

Sai dai fadar shugaban ta ce ya kamata a hana duk wata kasar waje yin katsalanda a tattaunawar zaman lafiya.

A kwanan nan dai wasu rahotannin sun nuna cewa Amirka da wasu kasashe dake sojoji a kasar ta Afghanistan, suna kokarin yin tasu tattaunawar ta dabam da 'yan Taliban .

Kawo yanzu dai kungiyar ta Taliban ba ta ce uffan game da wannan batu ba.

Karin bayani