BBC navigation

Sakataren Wajen Burtaniya yana ziyara a Burma

An sabunta: 5 ga Janairu, 2012 - An wallafa a 07:48 GMT

William Hague

Sakataren Harkokin Wajen Burtaniya, William Hague, ya ce shugabannin Burma sun ba shi tabbacin cewa za su saki daukacin fursunonin siyasa, kuma ba za su fasa sauye-sauyen da suke aiwatarwa a kasar ba.

Sauye-sauyen da aka samu na baya-bayan nan, ciki har da matakan halalta kungiyoyin kwadago, da cire takunkumin da aka kakabawa kafafen yada labarai da kuma sakin wasu fursunonin siyasa, su ne suka karfafa gwiwar jami'an diflomasiyyar Yammacin duniya.

Ana sa ran Mista Hague, wanda ke wata ziyara ta kwanaki biyu a kasar ta Burma, zai gana da Shugaba Thein Sein da kuma jagorar 'yan rajin dimokuradiyya, Aung San Suu Kyi, da ma jagororin kananan kabilun kasar.

Ana kuma sa ran Mista Hague zai kara matsin-lamba a kan gwamnatin Burma ta ci gaba da shirinta na sakin fursunonin siyasa ta kuma shirya zabuka na gaskiya da adalci a watan Afrilu.

Wannan ce dai ziyara irinta ta farko a cikin fiye da shekaru hamsin.

Kari a kan wannan labari

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.