BBC navigation

Rick Perry, dan takarar shugabancin kasa a Amurka, ya janye

An sabunta: 19 ga Janairu, 2012 - An wallafa a 20:53 GMT
Rick Perry

Gingirich ya kara samun karfi

Gwamnan jihar Texas a Amurka, Rick Perry, ya janye takararsa a zaben da jam'iyyar Republican ke yi don fitar da mutumen da zai tsaya mata a zaben shugaban kasa da za a yi a cikin watan Nuwamba mai zuwa.

Ya ba da sanarwar ce a lokacin wani taron manema labarai da ya kira a jihar South Carolina ta Amurkar.

Mr Perry ya ce, “Da na yi tunani a kan makomar wannan yakin neman zabe, na yanke shawarar cewa babu wata hanya mai fa'ida a gare ni dangane da wannan batu, saboda haka na dakatar da yakin neman zabena.”

Mr Perry ya goyi bayan daya daga ciki 'yan takarar na jam'iyyar ta Republican, Newt Gingrich, wanda ya bayyana da cewa mutum ne mai ra'ayin rikau da kuma hangen nesa.

A farkon yakin neman zaben dai, an yi ta karrama Mr Perry din, amma wakilin BBC ya ce ya gaza wajen baza farin jininsa a duk fadin Amurka.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.