BBC navigation

'Ayyukan agaji na fuskantar barazana a Sudan ta Kudu'

An sabunta: 21 ga Janairu, 2012 - An wallafa a 07:13 GMT

Mayakan kabilu a Sudan ta Kudu

Majalisar Dinkin Duniya ta yi gargadin cewa ayyukan agajin gaggawa za su kara yin muni a Sudan ta Kudu sakamakon fadace-fadacen kabilanci da aka shafe mako da makonni ana gwabzawa.

An kiyasta cewa sama da mutane dubu dari da ashirin ne ke bukatar taimako a kasar.

Wani fada ya barke tsakanin kabilun Lu Nur da Murle a watan da ya gabata a jahar Jonglei, sakamakon harin da kabilun biyu suka rika kaiwa shanun junansu.

An hallaka mutane da dama a rikicin kuma wasu dubun- dubatar mutanen sun tsere

Jami'an majalisar Dinkin Duniya a Sudan ta Kudu sun musanta zargin da ake yi cewa aikin da suke yi ba ya sauri, kuma ma bai wadata ba.

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.