BBC navigation

Hare-haren bam a jihar Kadunan Najeriya

An sabunta: 7 ga Fabrairu, 2012 - An wallafa a 13:53 GMT

Rahotanni daga Kaduna, sun ce an kai wasu hare-hare, da suka hada da harin da ake kyautata zaton na kunar bakin wake ne ga barikin sojoji na Dibijin na Daya ko kuma One division da ke Unguwar Kawo a Kadunar.

Haka nan kuma rahotannin sun ce wani bomb din da aka dana a karkashin gadar Kawo, ya yi kaca-kaca da wasu motoci guda hudu.

Tuni dai Sojoji suka killace barikin na One Division, inda kuma rahotanni ke nuna cewar akwai wadanda suka jikkata a wannan hari.

Baya ga wadannan hare hare, an kuma ce wani bomb din shi ma ya fashe a sansanin mayakan sama da ke unguwar Mando a Kadunar.

Mai magana da yawun Hukumar bada agaji na gaggawa ya shaidawa kamfanin dillancin labarai na AFP cewa mutane da dama sun samu rauni sanadiyar tashin bama-baman.

Yanzu zuwa yanzu dai ba a tabbatar da ko an rasa rai ba.

Amma ya zuwa yanzu jami'an tsaro sin killace wuraren da abun ya faru.

Ya zuwa yanzu dai babu wanda ya dauki alhakin kaddamar da harin. Najeriya dai na fama da matsaoli tsaron wanda su ka danganci kai hare-hare bama-bamai wanda kungiyar Boko Haram ta ke daukar nauyin kaddamarwa.

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.