BBC navigation

An amince da shirin tsuke bakin aljihun gwamnati a Girka

An sabunta: 9 ga Fabrairu, 2012 - An wallafa a 15:48 GMT
Shugabannin siyasar Girka

Shugabannin siyasar Girka

Ofishin Praministan kasar Girka ya ce, daga karshe dai shugabannin gwamnatin hadin gambizar kasar sun amince da wani sabon shirin tsuke bakin aljihun gwamnati.

A yanzu za a gabatar da yarjajeniyar ga taron ministocin kudi na yankin Euro, a birnin Brussels.

Dole sai da amincewarsu kamin a sake yin belin kasar ta Girka da kudaden da yawansu ya kai Euro biliyan 130.

An dakatar da shirin ne saboda shugabannin siyasar Girkar sun kasa amincewa da batun rage kudaden fansho.

Kungiyoyin kwadago a Girkar sun ce, matakan tsuke bakin aljihun gwamnatin na kara janyo koma baya ga tattalin arzikin kasar, ganin yadda ake cigaba da fama da rashin aikin yi.

Sun ce nan gaba a cikin wannan makon za su yi yajin aiki na kwana biyu.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.