BBC navigation

Sudan da Sudan ta Kudu na nunawa juna yatsa

An sabunta: 19 ga Aprilu, 2012 - An wallafa a 08:05 GMT
Omar al-Bashir

Omar al-Bashir na Sudan yana cewa zai so ya 'yantar da mutanen Sudan ta Kudu

Kasar Sudan da Sudan ta Kudu suna gab da afkawa yaki gadan-gadan bayanda Shugaba Omar al-Bashir ya furta cewa yana so ya ’yantar da mutanen Sudan ta Kudu daga gwamnatinsu.

Wadannan kalaman da ya yi a wajen wani taron gangami a Khartoum ya biyo bayan kwanakin da aka shafe ne ana gwabza fada a kan iyakokin kasashen biyu—abin da Shugaba al-Bashir ya ce ba za a ci gaba da lamunta ba.

Ya ce ko dai Sudan ta zarce da yakin ne zuwa Juba, babban birnin Sudan ta Kudu, ko kuma ita Sudanta Kudu ta kora yakin ta dangana da birnin Khartoum na kasarsa.

Ya shaidawa taron cewa za a mayar da martani a kan duk wani hari da Sudan ta Kudu ta kai:

“A yanzu muna gaya musu cewa idan suka cire idon wani za mu cire idonsu, idan aka cire hakorin wani za mu cire nasu, idan aka raunata wani za mu raunata na su”, in ji Shugaba al-Bashir.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.