BBC navigation

Ana zabubuka a Turai

An sabunta: 6 ga Mayu, 2012 - An wallafa a 16:01 GMT
Zaben shugaba kasa a Faransa

Zaben shugaban kasa a Faransa

Ana gudanar da zabubuka a kasashe da dama na Tarayyar Turai, a daidai lokacin da ake fama da matsalar kudade a yankin Euro.

A Faransa masu jefa kuri'a za su yi zabe ne tsakanin shugaba mai ci a yanzu, Nicolas Sarkozy, da abokin hamayyarsa na bangaren gurguzu, Francois Hollande.

Ra'ayoyin mutanen biyu ya sha bambam sosai a kan yadda za a bullo wa matsalar kudaden.

A kasar Girka ana zaben majalisar dokoki ne, bayan an kwashe shekaru biyu ana aiwatar da matakan tsuke bakin aljihun gwamnati marasa farinjini.

A Italiya ana kada kuri'a a zaben kananan hukumomi, wanda gwaji ne na tasirin gwamnatin da ta karbi mulki daga Silvio Berlusconi watanni shida da suka gabata.

A Jamus kuma, a jahar Schleswig-Holstein, hadin gwiwar jam'iyyu masu matsakaicin ra'ayin rikau, masu goyon bayan shugabar gwamnati Angela Merkel, suna kokari ne su ga basu rasa rinjayen da suke da shi a sabuwar majalisar dokokin kasar ba.

Duk wani kayen da zasu sha zai janyo cikas wajen sake zaben Angela Merkel a shekara mai zuwa.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.