BBC navigation

Za a rage albashin ministoci da na shugaban kasa a Faransa

An sabunta: 17 ga Mayu, 2012 - An wallafa a 20:39 GMT
Francois Hollande

Francois Hollande

Rage kashi talatin cikin dari na albashin Ministocin kasar Faransan dai daya ne daga cikin matakan da sabon shugaban kasar Francois Hollande ya ce zai dauka da zarar ya kama aiki.

Daga cikin matakan da aka amince da su a taron farko na Majalisar zartarwar kasar sun hada da rage yawan ma'aikatan dake aiki tare da ministoci da kuma wani kundin ka'idojin aiki da kowane daga cikin ministocin talatin da hudu suka sanya hannu a kai.

Rahotanni sun bayyana cewa, shugaba Hollande ya rage kudaden albashin ne domin ya nuna bambamcin dake tsakaninsa da tsohon shugaban kasar Nicolas sarkozy, wanda a lokacinsa, aka kara yawan albashin sa da kimanin kashi dari da saba'in inda ya rika karbar kusan dala dubu dari uku a kowace shekara tun bayan da ya dare kan karagar mulki a shekarar 2007.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.