BBC navigation

Girka: Tsipras ya zargi Merkel kan wasa da rayukan al'umma

An sabunta: 17 ga Mayu, 2012 - An wallafa a 06:05 GMT

Tsipras

Shugaban masu ra'ayin kawo sauyi a Kasar Girka Alexis Tsipras ya zargi kungiyar tarayyar turai da shugabar Jamus Angela Merkel da wasa da rayukan alummar tarayyar turai saboda dagewa da suka yi kan matakin tsuke bakin aljihun gwamnati.

An yi hasashen cewa Jam'iyyar Mr Tsipras ce za ta zo ta daya a sabon zaben da za a yi ranar sha bakwai ga watan Yuni, inda suke son sake duba batun ceto kasar Girka da kasashen waje suka yi.

Shugaban Mr Tsipras yana son kawo karshen zaftare kashe kudaden gwamnati wanda aka kakabawa kasar ta Girka don samun tallafi na kudade mai tarin yawa.

Tsipras ya shaidawa BBC cewa matakin tsuke bakin aljihun zai rusa kudin tarayyar turai na bai daya.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.