BBC navigation

An gano bama-bamai a Jos, Najeriya

An sabunta: 20 ga Mayu, 2012 - An wallafa a 08:01 GMT
Birnin Jos

Birnin Jos

Rundunonin tsaro dake aiki a jihohin Borno da Filato a arewacin Najeriya sun kai samame a wani gida dake Unguwar Rikkos a birnin Jos inda suka ruguza gidan, sannan suka gano muggan makamai ciki har da bama-bamai.

Hukumomin dai sun bayyana cewa sun yi kwana biyu suna bin sawun wani wanda suke zargi da kasancewa dan kungiyar nan ta Jama'atu Ahlil Sunnah Lidda'awati Wal Jihad wadda aka fi sani da suna Boko Haram da ke zaune a gidan, kuma bisa bayanan sirri, suka far wa gidan.

Jami'an tsaro sun ce mutumin da suke bin sawun ya tsere, amma sun samu yara da mata a gidan.

Sun kuma ce sun gano littattafan addinin Kirista da na Musulunci a gidan.

Kakakin rundunar tsaro ta musammam a jihar Pilato, Kyaftin Marcus, ya shaida wa wakilinmu Ishaq Khalid cewa wadanda ake zargin: "sun boye mata shida da yara kimanin 11 a gidan, mun cece su sannan muka ci gaba da aiki."

Ya kuma kara da cewa, yayin aikin bincike a gidan, jami'an tsaro sun gamu da kalubale, inda wani bom ya tashi amma bai jikkata kowa ba.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.