BBC navigation

Ba bu wanda ya tsira a jirgin saman da ya fadi a Legas

An sabunta: 3 ga Yuni, 2012 - An wallafa a 16:02 GMT
hausa

Fasinjoji 153 ne a cikin jirgin saman

Za'a kwashe kwanaki uku ana zaman makokin mutane fiye da dari da hamsin da suka hallaka a lokacin da jirgin saman da su ke ciki ya fadi a Lagos.

Jirgin saman ya fada a kan wasu gidaje kafin ya kama da wuta.

Ma'aikatan ceto sun kwana a wurin suna aiki.

Dukkanin fasijojin da ke cikin jirgin sun hallaka, kuma an sami mutanen da su ka rasu a kasa sai dai ba'a san yawansu ba.

Jirgin saman, mallakar kamfanin Dana air na kasar India, ya tashi daga Abuja zuwa Lagos.

A watan daya gabata wani jirgin saman Dana Air din da ake kyautata zaton shi ne ya fadi ya sami matsala abin da kuma ya sa ya yi saukar gaggawa a Lagos.

Kari a kan wannan labari

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.