BBC navigation

An kafa kwamiti kan kiyaye hadurran jiragen sama a Nijeriya

An sabunta: 6 ga Yuni, 2012 - An wallafa a 21:09 GMT
jirgin Dana Air da ya fadi a Lagos

jirgin Dana Air da ya fadi a Lagos

Gwamnatin Najeriya ta kafa wani kwamitin da zai duba yadda jiragen sama ke gudanar da harkokin sufuri a matakin cikin gida.

Hakazalika an bukaci kwamitin da ya yi nazarin yadda hukumomin da ke sa-ido a kan harkokin sufurin jiragen saman ke tafiyar da ayyukansu a kasar, tare da bada shawarwari a kan yadda za su inganta su.

Gwamnatin Najeriyar ta dauki wannan matakin ne bayan wani hadarin da jirgin saman kamfanin Dana Air ya yi, wanda ya yi sanadin mutuwar sama da mutum dari da hamsin a ranar Lahadin da ta gabata.

A waje daya kuma 'yan uwan wadanda suka rasu a hadarin jirgin sun gudanar da wata zanga zangar lumana a Lagos, domin nuna korafinsu kan abinda suka kira, irin jan jikin da ake yi wajen tantance gawarwakin 'yan uwansu da suke so a mika ma su, domin yi masu sutura.

Haka nan wani darakta a kampanin Dana Air, Alh Francis Ogoro ya bayyana takaicin kampanin nasu game da aukuwar wannan hadari, tare da nuna alhini game a asarar rayukan da aka yi.

Ya ce suna ci gaba da bincike, a yunkurin biyan diyya ga wadanda suka rasu a hadarin jirgin saman.

Kari a kan wannan labari

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.