BBC navigation

An kai hare-hare biyu a wasu coci-coci a Najeriya

An sabunta: 10 ga Yuni, 2012 - An wallafa a 14:29 GMT
Hari kan wani coci-coci a Najeriya

Hari kan wani coci-coci a Najeriya

An kai hare-hare biyu a wasu coci-coci a Najeriya. Wasu 'yan bindiga sun bude wuta akan wani coci a karamar hukumar Biu dake arewacin kasar inda suka kashe wata mata.

Wani da ya ganewa idanunsa abin da ya faru ya ce harin ya rutsa da mutane da dama a lokacin da suke ibada a cikin cocin.

A daya bangaran kuma an kai wani harin kunar bakin wake a wata majami'a a garin Jos, babban birnin Jihar Filato inda daga bisani kuma matasa a yankin suka tada tarzoma domin nuna rashin jin dadinsu da harin.

Wasu Karin mutane biyu dai sun rasa rayukansu, amma hukumomin tsaro sun ce kawo yanzu ba za su iya tantance ko harin bam din ne ya yi sanadiyar mutuwarsu ko kuma tarzomar matasan ce ta yi sanadiyar mutuwarsu ba.


Kawo yanzu babu bayanai daga hukumomin kasar akan adadain wadanda suka mutu ko suka jikkata a gaba daya hare haran biyu.


Kuma babu wasu, ko wata kungiya da ta dauki alhakin kai hare haren

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.