BBC navigation

An kashe mutane 80 a Iraqi

An sabunta: 13 ga Yuni, 2012 - An wallafa a 15:27 GMT

Wasu mutane da suka mutu bayan harin da aka kai a Iraqi

Jami'ai a Iraqi sun ce an kashe akalla mutane tamanin yayin da aka jikkata fiye da 200 a wadansu hare-haren bama-bamai da aka kaddamar a kan 'yan Shi'a a Bagadaza da kudancin kasar.

Bama-baman sun tashi ne a wurare goma a birnin na Bagadaza inda 'yan Shi'a ke taruwa don yin wani biki na addini.

A birnin Hilla na kudancin kasar kuma bama-baman da aka dasa a wasu motoci biyu ne suka tashi, suka kuma kashe akalla mutane goma sha uku, a kofar wani gidan cin abinci da 'yan sanda ke yawan zuwa.

Wani mutum da ya yi rauni aka kuma garzaya da shi asibiti ya bayyana yadda lamarin ya faru:

''Ba zato ba tsammani bom ya tashi a wata mota, sai na fadi kasa, mutane kuma suka yi ta faduwa a kaina''.

Kari a kan wannan labari

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.