BBC navigation

Ahmed Shafiq zai iya takara a Masar- Kotu

An sabunta: 14 ga Yuni, 2012 - An wallafa a 15:31 GMT
shafiq

Alon takarar Ahmed Shafiq

Kotun tsarin mulki ta Masar ta yanke hukuncin cewar Pirayi Minista na karshe ga tsohon Shugaban kasa Mubarak, zai iya shiga cikin zagaye na biyu na zaben Shugaban kasar da za a yi mako mai zuwa.

Takarar Ahmed Shafiq dai ta kasance cikin shakku saboda wata dokar da aka bullo da ita a cikin watan Afrilu da ta yi hana wakilan tsohuwar gwamnati tsayawa takara.

Kotun ta yanke hukuncin cewar dokar ta sabawa tsarin mulki.

Ta kuma yanke hukunci cewar kashi daya bisa uku na kujerun majalisar dokoki, wadanda aka yi takara bisa tsarin wanda ya samu mafi yawan kuri'u shi ya yi nasara, ba sa kan ka'ida.

Wakilin BBC a Alkahira ya ce galibin kujerun da ake batu dai kungiyar 'yan uwa Musulmi ce ta lashe su.

Kari a kan wannan labari

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.