BBC navigation

An bada belin Hon Farouk Lawan

An sabunta: 16 ga Yuni, 2012 - An wallafa a 20:43 GMT
Faruk Lawan

Faruk Lawan

A Najeriya hukumar 'yan sandan Kasar ta saki dan majalisar nan Hon Faruk Lawan wanda take rike da shi tun a ranar Alhamis, inda yake amsa tambayoyi.

Ana dai zargin Faruk Lawan ne da karbar cin hanci har dala dubu 620 daga hamshakin dan kasuwar nan Femi Otedola, domin ya cire sunan kamfaninsa daga cikin jerin kamfanonin da suka ci gajiyar kudaden tallafin mai ba tare da sun shigo da man Najeriya ba.

Hukumar 'yan sandan ta ce ta bada belin sa ne, bisa sharadin zai koma ofishinta ranar Litinin domin ci gaba da amsa tambayoyi.

A wani zaman gaggawa da majalisar wakilan Nijeriyar ta yi ranar Juma'a ta bada sanarwar dakatar da Faruk Lawan daga shugabancin kwamitin binciken rarar man petur da kuma shugabancin kwamitin Ilmi na majalisar.

Majalisar ta kuma kafa wani kwamiti da zai gudanar da bincike kan zargin da ake yi wa Hon Faruk Lawan din.

Wannan dai ba shi ne karon farko da zargin cin hanci ke dabaibaye irin kwamitocin binciken da majalisar ke kafawa ba.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.