BBC navigation

Shugaban Nigeria ya ce ba-sani-ba-sabo kan cin hanci

An sabunta: 2 ga Yuli, 2012 - An wallafa a 07:13 GMT
Shugaban Nigeria Goodluck Jonathan

Shugaban Nigeria Goodluck Jonathan

Gwamnatin Najeriya ta musanta zargin cewa tana sanyin-jiki wajen aiwatar da rahoton da majalisar wakilan kasar ta gabatar, wanda a cikinsa aka zargi wasu 'yan kasar da yin cuwa-cuwa a harkar tallafin mai.

Gwamnatin ta ce ba za ta saurara ba wajen ganin an hukunta dukkan wadanda aka samu da laifi.

Shugaban Najeriyar, Goodluck Jonathan, ya sha alwashin cewa babu wani dan gaban-goshi ko shafaffe da man da gwamnatinsa za ta saurara masa, muddin aka same da aikata laifi.

Tuni dai kwamitin ladabtarwar Majalisar Wakilan kasar ya fara bincike a kan zargin karbar rashawar da ake yi wa tsohon shugaban kwamitin bincike a kan yadda gwamnati ta gudanar da harkar tallafin mai, wato Honourable Faruk Lawan.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.