BBC navigation

Shugaban Bankin Barclays zai amsa tambayoyi

An sabunta: 4 ga Yuli, 2012 - An wallafa a 11:06 GMT

Bod Diamond, shugaban bankin Barclays da yayi murabus

Tsohon shugaban bankin Barclays, daya daga cikin manyan bankunan Burtaniya, zai fuskanci tambayoyi daga wani kwamitin majalisar wakilai ranar Laraba game da badakalar murde alkalumman kudin ruwan da ta jawo masa ya rasa kujerarsa.

A ranar Talata ne Bob Diamond ya ajiye aiki bayan kakkausar sukar da ta biyo bayan laifin da bankin Barclays ya yi na boye hakikanin kudin ruwan da ya ke biya kan basussukan da bankin kan karba daga sauran bankuna, abinda ya sa aka ci bankin tara mai dimbin yawa.

Wakilin BBC yace ana da alamun za'a kwashi 'yan kallo tsakanin mutumin da a da ake kallonsa a matsayin gwarzo abin koyi a sana'ar aikin banki da kuma kwamitin 'yan majalisar da ke fargabar wannan badakalar ta bata sunan London, a matsayinta na cibiyar hada-hadar kudi.

Bankin na Barclays dai ya amsa cewar ma'aikatansa sun yi muna-muna kan yawan kudin ruwan ne tsakanin shekarun 2005 da 2009.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.