BBC navigation

Majalisar sojin Masar ta ce dole a yi amfani da hukuncin kotu

An sabunta: 9 ga Yuli, 2012 - An wallafa a 16:37 GMT
Majalisar dokokin Masar

Majalisar dokokin Masar

Majalisar sojin kasar Masar ta ce tilas ne a yi aiki da kundin tsarin mulkin kasar, bayan da sabon shugaban kasar, Muhammed Morsi ya yi watsi da wata shawarar da sojojin suka dauka na rusa majalisar dokokin kasar.

A ranar talata ne kakakin majalisar zai kira zaman majalisar dokokin bisa umurnin shugaba Morsi.

Sai dai kuma a wata sanarwar da ta fitar majalisar mulkin soji ta kasar ta ce ta rusa majalisar dokokin ne bisa kiyaye wa da hukuncin kotun kolin tsarin mulki ta kasar, kuma tilas ne kowa ya mutunta shi.

Tun da farko dai kotun kolin tsarin mulkin kasar ta Masar ta ce tilas ne a yi amfani da hukuncin nata, kuma ba a iya daukaka kara kansa.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.