BBC navigation

Za'a horas da dakarun sojin Nijar

An sabunta: 16 ga Yuli, 2012 - An wallafa a 20:21 GMT
Matsalar tsaro a Sahel

Matsalar tsaro a Sahel

Kungiyar tarayyar Turai ta dau matakin aikewa da kwararrun jami'ai Hamsin zuwa Jamhuriyar Nijar domin horos da jami'an kasar kan yaki da ta'addanci.

A yau ne kungiyar tarayyar Turan ta yanke wannan shawarar bisa kiran da hukumomin Nijar suka yi wa kasashen yammacin duniya na su taimaka musu, shawo kan matsalolin tsaro dake da nasaba da ta'addanci a yankin Sahel.

Kungiyar tarayyar Turai ta bayyana damuwarta game da bazuwar makamai da ta ce ana yi a yankin Sahel tun bayan yakin da akai a Libya dadin dadawa da wanda ke faruwa a kasar Mali.

Ko a makon da ya gabata hafsoshin kasashen yankin Sahel suma sun yi wani taro domin duba hanyoyin da zasu shawo kan matsalar tsaron da ta addabi yankin.

A 'yan watannin bayan nan kasar Nijar na fama da matsalar sacewa da kuma garkuwa da turawa 'yan kasashen waje domin samun kudin fansa.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.