BBC navigation

China zata taimakawa kasashen Afirka

An sabunta: 19 ga Yuli, 2012 - An wallafa a 20:18 GMT
Taron China da Afirka

Taron China da Afirka

Shugaba Hu Jintao na China ya yiwa Gwamnatocin Afrika alkawarin bashin dola biliyan 20 a cikin shekaru uku.

Ya ce bashin zai taimaka wajen samar da ababan more rayuwa irin su hanyoyi da aikin gona da kuma bunkasa kasuwanci.

Shugaba Hu na yiwa Shugabannin Afrikan jawabi ne a farkon taron hadin kan China da Afrika wanda aka bude a yau a birnin Beijing.

Babban makasudin taron dai shi ne duba yadda za a kara kyautata huldar ciniki da kasuwanci tsakanin kasashen na Afrika da kasar China musamman ma gajiyar da nahiyar ka iya samu daga alakarta da kasar ta China.

A cikin yan shekarun nan dai China ta kasance babbar abokiyar huldar kasuwanci da kuma tushen saka jari ga Afrika, yayin da ta ke neman kayan sarrafawa don zaburadda tattalin arzikinta dake bunkasa.

Shugaban kasar Nijar, Mahammadou Issoufou, na cikin shugabannin Afrika da ke halartar taron

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.