BBC navigation

An keta hakkin mata masu HIV a Namibia —Kotu

An sabunta: 30 ga Yuli, 2012 - An wallafa a 15:49 GMT
Matan da ke dauke da HIV na kallon hukuncin a matsayin zakaran gwajin dafi

Matan da ke dauke da HIV na kallon hukuncin a matsayin zakaran gwajin dafi a yankin

Wata kotu a Namibia ta yanke hukuncin cewa an keta hakkin wadansu mata su uku masu dauke da kwayar cutar HIV, bayan da aka fada musu cewa dole ne sai an ba su wadansu magungunan da za su hana su haihuwa a nan gaba.

Matan sun ce an fada musu cewa sai an yi musu wannan aiki idan suna so a rage hadarin kamuwar jariran da suka haifa da kwayar cutar ta HIV.

Sai dai da aka yiwa matan tiyata aka fidda jariran nasu.

Yanzu dai kotun tana nazari a kan ko nawa za a biya matan a matsayin diyya.

Wata wakiliyar BBC ta ce shari’ar ta ja hankalin jama’a matuka a sauran kasashen yankin; an ce ana gudanar da irin wadannan ayyuka a Swaziland da kuma wasu sassa na Afirka ta Kudu.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.