BBC navigation

Ana ci gaba da artabu a Damascus da Aleppo na Syria

An sabunta: 4 ga Agusta, 2012 - An wallafa a 15:07 GMT
syria

Birnin Damascus ya turnuke da hayaki

Rahotanni na nuna cewar har yanzu ana ci gaba da mummunan artabu a manyan biranen Syria biyu wato Damascus, babban birnin kasar da kuma Aleppo, dake arewaci.

Kungiyar ba da agaji ta Red Cross ta bukaci bangarorin biyu su mutunta dokokin yaaki kamar yadda yake a yarjejeniyar kasa da kasa ta Geneva.

A ranar Juma'a babban taron Majalisar Dinkin Duniya ya yi Allah-wadai da Syria saboda karuwar amfanin data ke yi da manyan makamai.

Mazauna birnin Damascus sun ce jirage masu saukar angulu nata shawagi a sararrin samaniya tun daga daren jiya har wayewar garin yau, ga kuma manyan motoci masu sulke nata sunturi.

An kuma ji karar fashewar abubuwa a barikokin soji dake gabashin birnin a yankin Hanano, kuma ana tunanin cewar sojojin gwamnati da suka yi bore ne ke fafatawa da sojojin dake yiwa gwamnati biyyayya.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.