BBC navigation

An tsaurara ka'idojin daukar 'yan sanda a Afghanistan

An sabunta: 2 ga Satumba, 2012 - An wallafa a 19:10 GMT
'Yan sandan yanki na Afghanistan

'Yan sandan yanki na Afghanistan

Jami'an Amurka a birnin Kabul sun ce za su kirkiro wadansu sababbin matakai masu tsaurin gaske na tantance ’yan sanda a Afghanistan.

Sun kuma ce za a dakatar da horar da wadansu sababbin ’yan sanda wadanda aka dauka aiki, sannan an haramta sayar da kakin soji da na ’yan sanda.

Hakazalika ana shirin fadada amfani da sababbin matakan zuwa aikin tantance rundunar sojin kasar mai dakaru dubu dari uku da hamsin.

An kirkiro rundunar ’yan sandan ta Afghanistan mai jami’ai dubu goma sha biyar ne domin inganta tsaro a yankunan kasar masu nisa.

An dauki wannan mataki ne dai saboda karuwar ’yan sandan Afghanistan din da kan juya baya su budewa dakarun kungiyar tsaro ta NATO wuta.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.