BBC navigation

Shugabannin Afirka na halartar jana'izar Meles Zenawi

An sabunta: 2 ga Satumba, 2012 - An wallafa a 07:59 GMT
Birnin Addis Ababa

Addis Ababa, babban birnin kasar Habasha

A yau ne Shugabannin kasashen Afirka, da wasu fitattun mutane ke halartar jana'izar tsohon Fira Ministan kasar Habasha Meles Zenawi.

Akalla shugabannin kasashe 20 ne da sauran fitattun mutane da suka hada da attajirin nan na kasar Amurka Bill Gates suka hallara a birnin Addis Ababa domin jana'izar.

Mr Zenawi wanda ya jagoranci kasar na tsawon shekaru 21, ya rasu ne a wani asibiti a kasar Belgium a watan jiya, bayan da ya sha fama da rashin lafiyar da ba a bayyana ba.

Dubun dubatar 'yan kasar ta Habasha ne ke nuna alhinin mutuwar shugaban da suka ce ya kawo ci gaba a kasar.

Marigayi Mr Zenawi ya samu jinjina saboda irin rawar da ya taka wajen ganin tattalin arzikin kasar ya habbaka cikin gaggawa a zamaninsa, bayan tsawon lokacin da kasar ta shafe tana fama da ja'ibar yunwa.

Meles Zenawi ya kasance babban abokin Amurka, wajen yaki da ta'addanci a yankin kusurwar Afrika.

Sai dai kuma gwamnatinsa ta sha suka bisa zargin cin zarafin bil'Adama da kuma hana 'yancin kafafen watsa labarai.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.