BBC navigation

Mawuyacin halin da fursunoni ke ciki a Chadi

An sabunta: 10 ga Satumba, 2012 - An wallafa a 07:43 GMT

Tambarin Amnesty International

Wani rahoto da kungiyar kare hakkin Bil Adama ta Amnesty International ta wallafa ya bayyana mawuyacin halin da mazauna gidan yari ke ciki a kasar Chadi.

Kungiyar ta ce wasu ma'aikatanta sun ziyarci gidajen yari shida inda suka gano cewa akwai cunkoson jama'a, inda a wasu lokutan yanayin zafi kan kai maki 48 a ma'aunin Celsius.

Kazalika kungiyar ta ce fursunonin ba sa samun isasshen abinci da ruwan sha, lamarin da ya sa suke fama da tamowa.

A cewarta, fursunonin na yin amfani ba makewayi guda da ba shi da cikakkiyar kulawa abin da ya sanya da dama daga cikinsu suka kamu da cututtuka.

Kungiyar Amnesty International ta kara da cewa maza da mata na kwana waje guda, kuma hakan na haifar da yanayi na cin zarafi tsakaninsu.

Ta yi kira ga hukumomin kasar su dauki kwararan matakai na inganta yanayin gidajen yarin.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.