BBC navigation

A sauke Arunme Oteh cikin makwanni biyu -Majalisa

An sabunta: 18 ga Satumba, 2012 - An wallafa a 20:19 GMT
oteh

Shugabar hukumar kula da hada-hadar kasuwar hannun jari a Najeriya-Arunma Oteh

Majalisar wakilan Najeriya ta bai wa shugaban kasar wa'adin makwanni biyu da ya sauke shugabar hukumar da ke kula da hada-hadar kudin kasar, Miss Arunma Oteh daga mukaminta ko su dauki mataki a kansa.

Majalisar ta bayyana matakin da bangaren shugaban kasar ya dauka na maida shugabar hukumar kan mukaminta da cewar bai dace ba, tana zarginsa da rashin martaba kudurce-kudurcen majalisar.

Kimanin watanni biyu da suka wuce ne wani kwamitin majalisar ya ba da shawarar a sauke shugabar daga mukamin nata bisa zargin cewa ba cancanci rike mukamin ba.

Majalisar wakilan Najeriyar ta cimma matsayar tata ne a zamanta na farko bayan dawowar 'yan majalisar daga wani dogon hutu na kimanin watanni biyu, inda baki dayan'yan majalisar suka yi ittifaki cewa matakin da bangaren zartarwar kasar ya dauka na mai da shugabar hukumar da ke sa-ido a kan hada-hadar kudi da hannayen-jarin kasar Ms Arunma Oteh kan mukaminta bai dace ba.

Hasali ma 'yan majalisar cewa suka yi yadda shugaban kasar ya dauki matakin a daidai lokacin da kwamitin majalisar ya tattabatar da bincikensa da matsayin cewa a kori shugabar tamkar cin-fuska ne ga majalisar.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.