BBC navigation

JTF ta ce ta kashe 'yan bindiga kimanin 36 a jihar Yobe

An sabunta: 24 ga Satumba, 2012 - An wallafa a 20:57 GMT
Wasu jami'an tsaron Nijeriya

Wasu jami'an tsaron Nijeriya

Rundunar tsaro ta hadin gwiwa a Jihar Yobe dake Arewacin Najeriya, wato JTF, ta ce ta harbe wasu 'yan bindiga kimanin 36 a wata arangama da suka yi daga jiya lahadi zuwa safiyar yau Litinin.

Hakazalika, rundinar ta ce ta kama wasu karin 'yan bindigar fiye da dari da hamsin a wasu jerin farmaki da ta kai a jihohin Adamawa da Yoben.

Kakakin rundunar ta JTF a jihar Laftanar Eli Lazarous ne ya tabbatar da haka a wata hira da manema labarai yau a birnin Damaturu.

Hakan dai ya faru ne duk da cewa dokar takaita zirga-zirga ta ba dare-ba-rana na aiki a jihar ta Yoben, tun a ranar Juma'ar da ta gabata.

Jihar ta Yobe dai na daga cikin johohin Arewacijn Nijeriya da aka sha kai hare-hare, wadanda ake dangantawa da kungiyar nan ta Jama'atu Ahli Sunna Lidda'awati wal Jihad da aka fi sani da Boko Haram.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.