BBC navigation

Ba zamu zabi wanda ba Kirista ba -- Inji Kiristocin Arewa

An sabunta: 10 ga Oktoba, 2012 - An wallafa a 20:13 GMT
Shugaba Goodluck Jonathan na Najeriya

Shugaba Goodluck Jonathan na Najeriya

Kungiyar dattawan Kiristocin arewacin Najeriya ta bayyana cewar ba za ta goyi bayan dukkan wani wanda zai tsaya shugabancin kasar a zaben shekara ta 2015 muddun dai ba Kirista ba ne.

A wani bayanin bayan taro da kungiyar ta rabawa manema labarai a Kaduna kungiyar ta magabatan Kiristocin arewacin Najeriya ta ce ba ta ga dalilin da zai sa Kirista ba zai tsaya shugabancin kasar a zaben 2015 ba.

Kungiyar ta ce daga cikin dukkan yan arewar da suka yi mulki baya a kasar, walau zababbu ko na Soji kwaya daya ne kacal Kirista a cikin su.

Ta ce idan aka yi la'akari da cewar yawan al'umar yankin arewar kankan yake tsakanin Musulmi da Kirista, wannan karon Kirista daga yankin za su saka gaba saboda kuwa suna da wadanda suka cancanci shugabantar kasar.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.