An gayyaci Shugaban 'yan adawar Syria zuwa Rasha

Ahmed Moaz al Khatib
Image caption Ahmed Moaz al Khatib ya gana da Sergei Lavrov

An gayyaci shugaban hadin gwiwar manyan kungiyoyin adawa a Siriya Ahmed Moaz al Khatib zuwa Moscow a lokacin tattaunawar da ya yi ta farko kai tsaye da ministan harkokin wajen Rasha Sergei Lavrov.

Mutanen biyu sun gana ne a daura da taron kasashen duniya kan al'amuran tsaro a birnin Munch na kasar Jamus.

Wakilin BBC yace akwai alamar Rasha ta dan sassauto duk da cewa ra'ayi ya banbanta tsakanin Moscow da sauran wakilan kwamitin sulhun Majalisar Dinkin Duniya a game da yadda za'a magance rikicin Siriya.

Ana dai ci gaba da samun rahotannin asarar rayuka a wannan rikici na Syria.

Karin bayani