Firaministan Turkiya ya ce wasu suna son jefa kasar yin yaki da Syria

  • 12 Mayu 2013
Racep Tayyip Erdogan
Image caption "Za mu yi aiki da hankali"

Firaministan Turkiya, Racep Tayyip Erdogan, ya ce munanan hare-haren bamabamai a mota guda biyu, da aka yi a garin Reyhanli na kan iyaka a Turkiyar jiya Asabar, nufinsa shi ne a ingiza kasar ta yi yaki da Syria.

Ya shaida wa magoya bayansa cewa lalle ne Turkiyar ta yi aiki da hankali a lokacin da ake takalarta.

Mutane arba’in ne suka rasa rayukansu a wadannan hare-hare, yayin da fiye da mutane dari suka sami raunuka.

Syria dai ta musanta alhakin kai hare-haren.

Ministan watsa labarai, Imran al Zoubi, kusan a Turkiyar ce ke da alhakin haka bisa jawo ma kanta da ta yi.

Ya ce, "Mu abin da muke cewa shi ne, duk wani abu da ya auku a Syria alhakin gwamnatin Turkiya ne da sauran ire-irenta, shakka babu."