Rasha da China sun ce a yi taka tsan-tsan

Image caption Shugaba Xi Jinping da Shugaba Vladmir Putin

Rasha da China sun kara yin gargadi game da yinkurin amfani da matakin soji a kan Syria.

Kakakin ma'aikatar harkokin wajen Rasha ya ce kokarin wuce kwamitin tsaro na Majalisar Dinkin Duniya don kirkirar wata hujjar amfani da karfi a kan Syria, abu ne da zai janyo babban bala'i.

Moscow kuma ta soki matakin Amurka na dage tattaunawarsu a kan batun tashin hankalin.

Kamfannin dillancin labarai na gwamnatin China, Xinhua ya ce kasashen yammacin duniya sun yi gaggawar yanke hukunci a kan wanda ya yi amfani da makamai masu guda a Syria, tun kafin masu sa'ido na majalisar dinkin duniya su kamalla bincikensu.

A ranar Litinin Sakataren harkokin wajen Amurka, John Kerry ya yi kalamai masu karfi a kan zargin kai hari na makamai masu guba a Syria, inda yace za a hukunta duk wanda aka kama da laifi.

Karin bayani