Pakistan: 'Yan Taliban sun kashe soja 20

Hakkin mallakar hoto Reuters
Image caption Pakistan ta na fama da ƙalubalen tsaro

'Yan sanda a Pakistan sun ce, harin bam da aka kai akan wani jerin gwanon motocin soja ya hallaka soja akalla ashirin a yankin arewa maso yammacin kasar.

Wasu sojan fiye da talatin sun jikkata.

Harin dai ua auku ne yayin da ayarin motocin dake dauke da sojan ke barin wani bariki a yankin arewacin Waziristan da ya jima yana fama da tashin hankali.

Reshen Pakistan na kungiyar Taliban ya dauki alhakin kai harin.

Kungiyar Taliban dama dai tayi alwashin zafafa hare-hare akan jami'an tsaro.