Scotland ta yi watsi da 'yancin kai

Scotland ta ce a'a Hakkin mallakar hoto Reuters
Image caption Scotland ta ce a'a

Yankin Scotland ya ka da kuru'ar ci gaba da zama a hadaddiyar daular Birtaniya, inda ya yi watsi da samun 'yancin kai da kashi goma cikin dari.

Jama'a masu dumbin yawa ne suka fito domin kada kuru'arsu a zaben raba gardamar da aka yi.

Hakkin mallakar hoto BBC World Service

Masu yakin neman a ci gaba da zama tare sun samu nasara a yankunan da masu neman 'yanci suka yi zaton za su samu gagarumin goyon baya.

Shugaban masu neman a zauna tare, Alistair Darling, ya ce mutanen yankin Scotland sun zabi sauyi mai ma'ana a madadin rabuwar da ba'a bukata.

A lokacin da ya ke amincewa da shan kaye, minista na daya na yankin Scotland, Alex Salmond, ya ce kuru'ar ta nuna akwai gagarumin goyon baya na samun 'yan cin kai a nan gaba.

Amma Firayi Ministan Birtaniya, David Cameron, ya ce a yanzu an daidaita wannan magana baki dayanta a wannan takin.