Ghana: An bai wa 'yan kasuwar waje wa'adi

Hakkin mallakar hoto AFP
Image caption Matakin korar 'yan kasuwar kasashen waje daga Ghana na janyo korafi

Gwamnatin Ghana ta bai wa kananan 'yan kasuwa daga kasashen waje wa'adi zuwa ranar 5 ga watan October da su fice daga kasuwannin kasar.

Ghana ta hana wadannan 'yan kasuwa ne gudanar da harkokin kasuwanci a wasu kasuwannin wasu biranen kasar da suka hada da Accra da Kumasi.

Gwmnatin ta ce 'yan kasar Ghana ne kadai ke da ikon gudanar da harkokin kasuwanci a wadannan kasuwanni.

Tuni dai wasu 'yan kasuwar da suka fito daga Nigeria suka fara korafi dangane da wannan mataki da gwamnatin kasar ta dauka.