Sojin Nigeriya sun taka rawar-gani

Sojojin Nijeriya Hakkin mallakar hoto AP
Image caption Sojojin Nijeriya

Sojojin Nigeria sun ce sun kwato garuruwan Monguno da kuma Marte na jihar Borno daga hannun 'yan kungiyar Boko Haram.

A wata sanarwa da kakakin rundunar sojin kasar, Manjo Janar Chris Olukolade, ya aikewa BBC ya ce an kama 'yan ta'adda da dama da motocinsu, wadanda ke dauke da kayan abinci a kusa da garin Baga.

Olukolade ya kara da cewa suna ci gaba da tantance adadin barnar da aka yi lokacin da suka kai wa 'yan Boko Haram hari a yankin na Munguno, da Marte da wasu kauyukan da ke kusa da su.

A cewarsa, sojoji na ci gaba da kai hare-hare ta sama a yankunan da ke hannun 'yan Boko Haram da zummar wargaza su.

Rikicin Boko Haram ya janyo mutuwar dubban mutane a Nigeria

Karin bayani