Shugaban kungiyar Haqqani ya rasu

Hakkin mallakar hoto AP
Image caption Ana tunani Haqqani ya rasu ne bayan jinya

Kwana daya bayan da 'yan kungiyar Taliban suka tabbatar da mutuwar shugabansu, Mullah Omar, akwai kwararan hujjoji da ke nuna cewar shi ma wani jigo a wata kungiyar 'yan gwagwar maya ya rasu.

Jalaludin Haqqani, shugaban kungiyar Haqqani, abokin kawance ne na kut da kut na kungiyar Al-Qaeda da kuma kungiyar Taliban.

Wani wanda ya ke da kusanci da kungiyar, ya ce Haqqani ya mutu ne sakamakon rashin lafiya da yayi a shekarar da ta wuce.

Sai dai wani babban jami'i ya ce lamarin ya faru ne shekaru shida da suka wuce.

Kungiyarsa wacce ta ke kasar Pakistan, a da tana cikin tawagar 'yan kungiyar Taliban a tattaunawar zaman lafiya da aka yi a farkon watan Yuli na wannan shekarar.

Tuni aka sanarda dan Jalaludin watau Sirajudin Haqqani a matsayin mataimakin shugaban 'yan kungiyar Taliban.