Ministocin Buhari sun samu ma'aikatu

Hakkin mallakar hoto AFP
Image caption Fashola ne ke rike da babbar ma'aikata

Shugaban Najeriya, Muhammadu Buhari ya sanar da ma'aikatun da ministocin da ya rantsar za su jagoranta.

Shugaban ya bukace su da su zagen-dantse wajen gudanar da ayyukan da aka basu, yana mai cewa 'yan Najeriya sun zuba ido su ga irin rawar da za su taka wajen ci gaban kasar.

Tsohon gwamnan jihar Lagos, Babatunde Raji Fashola shi aka nada ministan makamashi, ayyuka da kuma samar da gidaje a yayin da aka bai wa Kemi Adeosun, ma'aikatar kudi.

Abdurrahman Dambazau shi ne ministan harkokin cikin gida, a yayin da aka bai wa Mansur Dan-Ali ma'aikatar tsaro sai Adamu Adamu da aka nada a matsayin ministan Ilimi.

Tsohon gwamnan jihar Rivers, Rotimi Amaechi shi ne aka bai wa ma'aikatar sufuri sai kuma Mr Okechukwu Enelemah a matsayin ministan cinikayya da kasuwanci.

Amina Mohammed ita aka bai wa ma'aikatar muhalli a yayin da Muhammed Bello ya zama ministan babban birnin tarayya, Abuja sai kuma Solomon Dalung ministan harkokin wasanni da matasa.

Cikakken jerin sabbin ministoci da ma'aikatunsu;

  1. Chris Ngige - Ministan Kwadago da ingantuwan aiki
  2. Kayode Fayemi- Ministan Harkokin Ma'adinai
  3. Rotimi Amaechi - Ministan Sufuri
  4. Babatunde Fashola - Ministan Makamashi, ayyuka da samar da gidaje
  5. Abdulrahman Dambazau- Ministan harkokin cikin gida
  6. Aisha Alhassan - Ministar harkokin mata
  7. Ogbonaya Onu- Ministan Kimiyya da Fasaha
  8. Kemi Adeosun - Ministar Kudi
  9. Abubakar Malami - Ministan Shari'a
  10. Sen Hadi Sirika - Karamin Ministan a harkokin zurga-zurgar jiragen sama
  11. Barr. Adebayo Shittu - Ministan Sadawar
  12. Suleiman Adamu - Ministan samar da ruwan sha
  13. Solomon Dalong - Ministan Wasanni da harkokin Matasa
  14. Ibe Kachikwu - Karamin Ministan harkokin Man Fetur
  15. Osagie Ehanire - Karamin Ministan Lafiya
  16. Audu Ogbeh - Ministan Ayyukan Gona
  17. Udo Udo Udoma - Ministan Kasafin Kudi da Tsare-Tsaren Kasa
  18. Lai Mohammed - Ministan Yada Labarai
  19. Amina Mohammed - Ministar Muhalli
  20. Ibrahim Usman Jibril - Karamin Ministan Muhalli
  21. Hajia Khadija Bukar Ibrahim - Karamar Ministar Harkokin Waje
  22. Cladius Omoleye Daramola - Karamin Ministan Naija Delta
  23. Prof Anthony Onwuka - Karamin Ministan Ilimi
  24. Geoffrey Onyema - Ministan Harkokin Waje
  25. Mansur Dan Ali - Ministan Tsaro
  26. Barr James Ocholi - Karamin Ministan Kwadago
  27. Zainab Ahmed - Karamar Ministar Kasafin Kudi da Tsare-Tsaren kasa
  28. Okechukwu Enelamah - Ministan Cinikayya da Kasuwanci da kuma Masana'antu
  29. Muhammadu Bello - Ministan Abuja
  30. Mustapha Baba Shehuri - Karamin Ministan Makamashi da Ayyuka
  31. Aisha Abubakar - Karamar Ministar harkokin cinikayya
  32. Heineken Lokpobiri - Karamin Ministan ayyukan gona
  33. Adamu Adamu- Ministan Ilimi
  34. Isaac Adewole- Ministan Lafiya
  35. Abubakar Bawa Bwari - Karamin minista harkokin Ma'adinai
  36. Pastor Usani Uguru - Ministan Naija Delta