Kotun Faransa ta hana wata ma'aikaciya sanya hijabi

Hakkin mallakar hoto Reuters

Kotun 'yancin dan Adam ta Turai ta yi watsi da hujjar wata ma'aikaciya wacce ta ke so ta rika sanya hijabi a wajen aiki.

An kori Christine Ebrahimian, daga asibitin Paris ne saboda ta dage a kan cewar sai ta rika sanya dan kwali.

Asibitin dai ya ce ya samu korafe korafe daga wajen marasa lafiya a kanta.

Dokokin Faransa sun hana duk wani ma'aikaci sanya wata alama da zata nuna cewar shi mabiyin wani adini ne.

Kotun dai ta ce ba aikinta ba ne ta yanke hukunci a kan dokokin aiki kuma ta yi watsi da rokon a kan hukuncin da aka yanke tun fari.