IS ta ce mabiyanta ne suka kai hari California

Image caption Wadanda suka kai hari California

Kungiyar da ke da'awar kafa daular musulunci ta IS ta yaba amma kuma ba ta fito karara ta dauki alhakin kai hari kan wata cibiya a lokacin da wasu ke shan bidirinsu a Califonia lamarin da ya yi sanadiyyar rasa rayukan mutane goma sha hudu.

Kungiyar ta sanar ta radiyo cewa mabiyanta ne suka kai harin.

Sai dai kuma sanarwar ba ta nuna cewa 'yan kungiyar ta IS na da hannu wajen tsara kai harin ba.

Tunda farko hukumar tsaro ta FBI tace tana gudanar da bincike, a kan rahotannin dake nuna cewa matar mutumin Tashfin Malik, ta sha rantsuwar yin biyayya ga jagoran kungiyar mayakan IS ta hanyar shafin sada zumunta na Facebook.